Agenda

Boorebroeloft

16-02-2019

Boorebroeloft Roggel

Zaoterdig 16 fibberwari is ’t weer zoea-wied. Den organiseertj SV Roggel in samenwèrking mèt buurtvereniging Mäölewaeg de aojerwètse mer och zoea gezellige Boorebroeloft. ´s Middes vindj in beslaote kring de burgerlikke inzaegening plaats. Vanaaf 20.15 oor ´s aoves gaon wae ós opmake väör de kèrkelikke inzaegening in La Rochelle. Hie waere in de on-echt verbonje, ’t Boorebroedspaar van 2019:

Paula van Mart van Kuepers Kueb en Toos van Ebus Sjeng
&
Rens van Jac van Mie van Slaegers Mina en van Margriet van Bertha van Beiers Thei

Wae haope det gans Roggel aanwezig kèn zeen bie ’t fiëst van dit prachtige broedspaar. De muzikale omliesting waerdj dit jaor verzorgdj door ‘nne DJ en live-bend ‘We Want Maor’, dus det dit ’n sjiek fiëst geit waere steit vast. As gae det nog neet gedaon höbtj, den noteer zaoterdig 16 fibberwari in eure agenda om d’r same mèt dit broedspaar weer ’n geweldjig fiëst van te make!

… Toet den

De activiteitecommissie vanne voetbalklub

Terug naar het overzicht