• Boorebroeloft 2020

  • Boorebroeloft Roggel

    Zaoterdig 8 fibberwari is ’t weer zoea-wied. Den organiseertj SV Roggel in samenwèrking mèt buurtvereniging de NAS de aojerwètse mer och zoea gezellige Boorebroeloft. ´s Middes vindj in beslaote kring de burgerlikke inzaegening plaats. Vanaaf 20.15 oor ´s aoves gaon wae ós opmake väör de kèrkelikke inzaegening in La Rochelle. Hie waere in de ón-echt verbónje, ’t Boorebroedspaar van 2020:

     Cindy van Math van Mennen Frenske en van Ria van Jan van Hannes Vervuurt vanne Graashook

    &

    Koen van Graadje van Graad van Lute Graad en Mietje van Vossenhaof en van Hannie van Kapper van Dijk en Antje van Thoeamasse Giel

    Wae haope det gans Roggel aanwezig kèn zeen bie ’t fiëst van dit prachtige broedspaar. De muzikale omliesting waerdj dit jaor verzorgdj door DJ Maarten en live-bend ‘We Want Maor’, dus det dit ’n sjiek fiëst geit waere steit vast. As gae det nog neet gedaon höbtj, den noteer zaoterdig 8 fibberwari in eure agenda om d’r same mèt dit broedspaar weer ’n geweldjig fiëst van te make!

    … Toet den

    De activiteitecommissie vanne voetbalklub