Leef Sjansemaekers en Sjansemaekerinnekes, boore, burgers en boeteluu,
Wae, Buurtvereniging ‘De Zuidhoek’, zeen gruets, we mooge waal zegge hiël erg gruets, det we uch väör kènne stèlle aan het Boorebroedspaar 2025.
Het Boorebroedspaar 2025 zeen:
Lisanne Schreurs &
Ronnie Fermont
Zoaterdig 15 Fibbrewarie aanstoandj, daags nao unne romantiese Valentijnsdaag, zulle dees leef miense in het biezeen van häör femilie in de on-echt verbonje waere en dao moogtj gae allemaol bie zeen.
Dees huwelijksvoltrèkking zal in samewèrking mit de club van Zwart en Wit gehaoje waere in La Rochelle. Preciezere gegaeves zulle nog volge in aanlaop nao dit gigantische fiëst.
Mocht gea ‘t stèl strakkes op straot unne kiër in 't wildj taegekome, sjroomtj den neet om ze te felicitere mèt häör aangekondigdje huwelijk.
We zeen os oppe broeloft, hoie!
De organiserende en 50 jaor bestoandje Buurtvereniging ‘De Zuidhoek’.
