S.V. Roggel heeft door de jaren heen een eigen clublied opgebouwd.

De titel is officieel "Oos voetbalclub"

De tekst is van erelid Piet Alofs

De melodie (muziek / wijze) is van ‘Maar bij mijn moeder thuis’ van Johnny Hoes

TEKST

Det is oos voetbalclub, de voetbalclub van Roggel
De club van Zwart en Wit, is toch ein riek bezit
Al waerdj geliek gespeeldj, gwonne of verlaore
Toch steit bie mich diene naam steeds baovenaan

Ich dink nog zo duk aan jaore geleeje
ich waas zonne kleine baas
en druimdje van voetbal en winsdje duk mien eige, det ich ens Beb Bakhuis waas

Ich gong bie oos club en hub toen gelieerdj
det voetbal sjterre neet zoveul bestaon
Mer de vrindsjap ongerein die haet mich in die jaore altied toch zo good gedaon

Det is oos voetbalclub, de voetbalclub van Roggel
De club van Zwart en Wit, is toch ein riek bezit
Al waerdj geliek gespeeldj, gwonne of verlaore
Toch steit bie mich diene naam steeds baovenaan

Waas Sunjes de wedstrijd, alles kwaam kieke
Op ’t veldj bie Kone Lot
We kubdje en sjubdje, de bal nao alle kantje, sjaowdje oos toch half kapot

Als ’s aoves de maon sjeen, waerdje getraintj
Mit dae sjeive dieke bal van oaje Vaes
Dao waas toe gein verleegting, mer det kos nieks gaeve, zoge altied wô hae was

Det is oos voetbalclub, de voetbalclub van Roggel
De club van Zwart en Wit, is toch ein riek bezit
Al waerdj geliek gespeeldj, gwonne of verlaore
Toch steit bie mich diene naam steeds baovenaan

veul zeen der gekome, aug weer gegange
de club bleef toch steeds bestaon
in al die lange joare, koste ze ’t klaore, haet ’t altied good gegaon

noe wil ich uch vraoge, loestertj ens hie
al haetj ge Tonny, Wim of Piet of Jan
haotj de voetbalclub in êre, en ’t spel good lêre, det toch eder zekke kan

Det is oos voetbalclub, de voetbalclub van Roggel
De club van Zwart en Wit, is toch ein riek bezit
Al waerdj geliek gespeeldj, gwonne of verlaore
Toch steit bie mich diene naam steeds baovenaan