't Seizoen is 'n aantal waeke óngerwaeg en wae zitte alweer in november. Hie mèt höbbe wae ouch de iërste periode aafgeslaote, en de periodetitel is gewonne door Roggel 3! Roggel 3 haet nog neet zoea hiël väöl wedstrijde gespeeldj, mer haet 't gemiddeldj gezeen waal duudelijk 't bèste gedaon.
Zitj hie get sjoeans aan te kome? Aafgeloupe weekend waerdje nao de 250e wedstrijd van Tom Derikx 'n good fiëst geveerdj inne kantien en dao waerdje al gezonge äöver 'n kampioensjap! Is dit arrogantie, hoogmoed of gewuen 'n gooj portie zelfvertroewe det meuktj det edere taegestenjer al mèt 'n 1-0 achterstandj 't veldj op kumptj? En waat is de basis van 't druime äöver 'n kampioensjap? Ligktj det aan de trainers, de ervaring van 'n aantal spelers, of de komst van 'n zwaorgewicht inne spits... Wae gaon 't de komendje tied zeen en laote wae haope det dees manne dees lien door kènne trèkke!
De twiëdje periode löptj van november toet en mèt jannewari. Geit Roggel 4, de nummer twië van de iërste periode, d'r den mèt de titel vandoor of geit 'n anger team gaas gaeve de komendje waeke...
