• Roggel 3 paktj de twiëde periode!

  • De vastelaovendj is väörbie, tied óm de balans op te make van de twiëde periode die geloupe haet van november t/m fibrewarie. Roggel 3 is de miër den terechte winnaar van dees periode! Volledig verdeendj gezeen 't totaal aantal puntje, 't gemiddeldj aantal puntje per wedstrijd en 't doelsaldo.

    Roggel 3 haet helaas 'n geveulige nederlaag mótte incassere in fibrewarie, mer ze doon desondanks nog gewuen mèt väör 't kampioensjap en ze staon gewuen nog baovenaan in häör klasse (al mótte anger teams nog get wedstrijde inhaole). Kènne ze zich herstèlle van 't verlees taege directe concurrent VOS en de draod weer oppakke mèt noewe äöverwinninge? De tied zal 't liëre... In eder geval hiël väöl succes!

    'n Gedeildje twiëde plaats väör Roggel 2 en de zunjigveterane, die weer net naeve de prieze griepe. Kènne ze de derdje periode missjien waal pakke, of trèktj Roggel 2 de lien door en gaon zuu vol väör de derdje periode? Wae haoje uch op de huegte!