• Roggel 4 Paktj de iërste periode!

  • Oktoeaber is väörbie en det beteikentj ouch det de iërste periode binne de SV d'r op zitj. Roggel 4 haet 't sterke begin van 't seizoen vast kènne haoje toet de lètste wedstrijd dees periode en haet hie mèt periodetitel 1 binnegesleiptj. 'nne Terechte oetslaag gezeen de rangliest van häör klasse woea ze baovenaan staon!

    Woea kumptj dit succes vanaaf? Is 't de combinatie van jongk talent en ervare rotte? Zeen 't de truukgekiërdje vedette die de sjoon weer oet 't vèt höbbe gehaoldj? Of is de basis väör succes toch 't goude trainersduo det de SV gelökkig haet verzekerdj det ze momenteel neet aope staon väör 'nne transfer en 't seizoen aafmake bie Roggel 4. Zelfs die slangekoel in Barcelona laote ze links ligke. In eder geval 'n hiël good begin vanne competitie väör dees manne. Weite ze dit vast te haoje en steit d'r get sjoeans te gebäöre? 't Sjientj det de iërste contacte mèt de Roggelse transportbedrieve al gelag zeen...

    De zunjigveterane griepe net naeve deze periodetitel, maar staon net as Roggel 4 baovenaan inne competitie. Zeen de veterane den favoriet väör de twiëdje periode die löptj van november t/m jannewari. Wae gaon 't zeen...