Kiek ‘ns aan, ’n competitie die nog steeds aanne gang is en de vastelaovendj dae normaal door kèn gaon. Det zeen wae toch neet miër gewèndj. Dit beteikentj det d’r ouch ‘nne noewe periodekampioen baove kumptj drieve.
Det R2 det net neet gewaore is, det zal uch waal duudelijk zeen. Ouch ’t vlaggesjeep speeltj nog gein rol van beteikenis, mer ’t begintj al get baeter oet te zeen. R4, R5 en de aod gedeendje vanne veterane, die gaon ’t onneet waere. Wellicht det dees men in de volgendje periode waal ‘nne voest kènne make.
R3 zal opgeluchtj zeen det ze de väörige periode al gepaktj höbbe, aangezeen de jong men vanne A ze tamelijk kort oppe hiele zote dees periode. Det luetj ós nog mer 1 ploog äöver…
Voetbal ’n mannesport? Det bliektj allang achterhaoldj. De dames höbbe de 2e periode namelijk foutloos aaf weite te sloete. Ein sjoean prestatie dames, leidj dit ouch toet ’t kampioensjap aan ’t ènj van ’t seizoen?
