S.V. Roggel gehuldigdj: Sjansemaekersmedalie in goud
S.V. Roggel is óngersjeije mèt de Sjansemaekersmedalie in Goud. Dees medalie is tiejes de lètste borebroeloft oetgereiktj door ’t bestuur van CV de Sjansemaekers. S.V. Roggel haet dees geweldjige óngersjeijing gekraege vanwaege ’t al jaore organisere vanne Roggelse Borebroeloft, dit jaor väör de 44ste kiër.
De oorkonde en de medalie zeen oetgereiktj aan Ruud Houben en Stan Vullers. Ruud en Stan höbbe same al jaore de borebroeloft georganiseerdj. Väör Ruud waas dit zelfs de 22ste kiër det hae de borebroeloft mèt organiseerdje.
As bestuur van S.V. Roggel zeen wae gruets op dees prachtioge óngersjeijing en höbbe wae dees ’n sjoean plaats gegaeve in ós kantine. Wae wille ’t bestuur van CV de Sjansemaekers hertelijk danke väör dees erkènning en wae kieke d’r nao oet óm de borebroeloft ouch de komendje jaore te blieve organisere.
