Update wanjeltocht

De iërste helftj van ós jubileum seizoen zitj d'r op. Ondanks det wae allemaol nog steeds vrie beperktj zeen in waat we moge doon, is d'r binne 't kader van 90 jaor S.V. Roggel gelökkig waal nog steeds get te doon: oze wanjeltocht!

Noe det wae in de wintjerstop zitte en 2022 väör de däör steit, wille wae toch nog èns aandacht vraoge väör deze sjoeane route. Wae gaon namelik binnekort de winnaar van de vraoge väör 2021 oetroope!
Det betekentj det gae noe nog ein paar dage de tied höbtj óm die kerstkilo's d'r aaf te loupe en de route mèt de vraoge van dit jaor te beantjwaorde.
Wae zölle begin januari den eine winnaar bekèndj make dae natuurlik ouch eine pries kan verwachte.

Väör 't jaor 2022 zölle d'r den noewe vraoge kome (wae berichte as deze d'r op staon!), die op de bördjes gewuen weer mèt dezelfdje QR code te scanne zeen.
Dus zeentj gae strakkes neet de winnaar, den kèntj gae det missjien waal weer waere väör 't noewe jaor.

Wae haoje ug oppe huegte, succes en blief gezondj!